Boston rive Blue Hills
Kreye yon vizyon pou yon koneksyon wout pou mache, monte bisiklèt, epi woule soti nan Rivyè Koridò Bwaze Nepònsèt (Neponset River Greenway) rive nan Rezèv Blue Hills (Blue Hills Reservation)
AdobeStock_248561346
Konsèy Planifikasyon Zòn Metropoliten la (Metropolitan Area Planning Council, MAPC) ak Asosyasyon Basin Vèsan Rivyè Nepònsèt (Neponset River Watershed Association, NepRWA) ap mennen yon pwosesis kominotè pou detèmine si manm kominote a enterese nan yon koneksyon pou pyeton, siklis, ak lòt aparèy ki woule soti nan Koridò Bwaze Nepònsèt (Neponset Greenway) rive nan Rezèv Blue Hills (Blue Hills Reservation).
Pwojè a pral gen plizyè opòtinite angajman kominote a. Jiska jodi a, MAPC ak NepRWA te rankontre ak anpil gwoup kominotè, òganizasyon defans, epi ak plizyè ofisyèl lokal ak leta pou tande sa yo panse. Gen yon sondaj piblik ki disponib kounye a pou ou bay opinyon w. Ekip pwojè a pral òganize plizyè evènman vityèl ak an pèsòn tou pandan prentan ak ete a pou tande sa w panse. Kalandriye konplè pwojè a disponib piba a.
Rantre adrès imèl ou oswa nimewo telefòn ou piba a si w ta renmen resevwa mizajou sou plan sa a ak lòt reyinyon k ap vini yo.
Kontèks
Rezèv Blue Hills (Blue Hills Reservation) se youn nan pi gwo pak nan rejyon Boston a, ki gen plizyè somè, epi ki gen yon aksè ki yon jan pre de espas ouvè nan Vil Boston. Malgre se youn nan pak ki pi popilè yo, li pa fasil pou jwenn aksè apye, pa bisiklèt, oswa transpò piblik.
Pwojè sa a ta vle kreye yon vizyon pou yon (oswa plizyè) koridò vèt kontinyèl ant Boston ak Blue Hills. N ap defini tèm “koridò vèt” yon fason trè jeneral, tankou yon koridò ki gen yon espas ouvè kote sa posib, ki separe de trafik machin pou akomode mache a pye, monte bisiklèt, ak lòt bagay ki woule. Koridò vèt la ta ka yon konbinezon chemen kote itilite li pataje oswa yon wout pwoteje pou bisiklèt (ak de twotwa adjasan).
Gen plizyè ti wout ki egzizte oswa ki prevwa ant anba lavil Boston rive Blue Hills, men yo pa kreye yon koneksyon kontinyèl pou pèmèt moun ale kote yo ta vle ale yo. Nou swete ke pwojè sa a kapab ede korije yon mankman nan rezo a ke y ap tann depi lontan, k ap pèmèt aksè nan pi gwo pak piblik rejyon a, apye, sou bisiklèt oswa ak lòt kalite aparèy ki woule.
*Remak: Nou itilize tèm “woule” pou fè referans a lòt kalite aparèy pèsonèl ki woule pou pèmèt deplasman san konte bisiklèt tankou chèz woulant, aparèy pou ede mache, eskoutè, mopèd, sketbòd, elatriye.
Depatman Konsèvasyon Lwazi (Department of Conservation and Recreation, DCR) ap travay sou yon lòt pwojè parèy sa a pou konekte zòn Readville la ak Blue Hills avèk yon koneksyon kote y ap kapab mache, fè bisiklèt epi woule. Se pa menm pwojèt a, men yo asosye. Pou aprann plis sou pwojè a, klike sou lyen sa a, isit la.
Ekip pwojè a
Pandan dire pwojè a, si w gen kesyon oswa plent, tanpri kontakte ekip pwojè a.
Manadjè Pwojè: Marah Holland, Chèf Planifikatè Transpò, MAPC
Imèl: [email protected] oswa telefòn: 617-933-0748
David Loutzenheiser, Chèf Planifikatè Transpò, MAPC
Imèl: [email protected] oswa telefòn: 617-933-0743
Najee Nunnally, Espesyalis Angajman Kominotè, MAPC
Imèl: [email protected] oswa telefòn: 617-933-0795
Andres Ripley, Manadjè Greenways, NepRWA
Imèl: [email protected] oswa telefòn: 781-575-0354 x301
Ekip Santral Planifikasyon Tranpò (CTPS) ki pou Òganizasyon Planifikasyon Metropoliten Boston (MPO) te konplete toudènyèman yon pwojè pou fè evalyasyon opsyon ki genyen pou amelyore transpò soti nan Boston pou rive Blue Hills. Pou aprann plis sou pwojè a, klike sou lyen sa a, gade rezilta final la
Kalandriye pwojè a
| Prentan 2022 | Pwojè a ap komanse |
| Ete-otòn 2022 | Ekip pwojè a kòmanse rankontre ak patnè local, rejyonal epi a eta a |
| Ivè 2022-2023 | N ap louvri sondaj la bay piblik la pou kòmantè |
| Prentan 2023 | Vizit sou plas epi aktivite pou angajman dirèk piblik la kòmanse |
| Ete 2023 | Pwopozisyon vizyon pwojèt a disponib pou revizyon piblik la |
| Otòn 2023 | Vizyon final pwojèt a ap fin devlope |
| Otòn 2023 | Yon Apèl Dòf (RFP) lage pou jwenn yon konsiltan ki pou fè yon etid fezabilite |
| Ivè 2023-2024 | Yo chwazi yon konsiltan epi li kòmanse travay |
| Prentan 2024 | Reyinyon piblik pou pataje pwogrè etid fezabilite a |
| Ete 2024 | Etid final fezabilite a lage pou revizyon piblik la |
Kijan mwen ka patisipe?
Gen plizyè fason pou patisipe nan pwojè a epi bay opinyon w. Men kèk opòtinite ki gen kounye a epi k ap vini yo :
Resous
Liy Fiks: Plan nou pou yon rezo koridò bwaze ki konekte
Liy Fiks se vizyon MAPC a pou konekte koridò bwaze ak santye yo nan yon rezo omojèn. Plan an te devlope an kowònasyon ak Kowalisyon Liy Fiks (LandLine Coalition), yon gwoup 40 volontè ki reprezante yon kantite ajans local ak gwoup defans.
Rezo Emrald (Emerald Network) Alyans LivableStreets la
Rezo Emrald se yon vizyon pou kreye 200 mil santye ak itilizasyon pataje nan koridò bwaze nan sant Vil Boston ak vil adjasan li yo.
Pwojè Boston Green Links
Boston Green Links se yon plan pou konekte moun nan tout katye katye yo ak rezo koridò bwaze Boston. Pou fè sa n ap kreye nouvo santye, mete enfrastrikti pou bisiklèt, epi asire pasaj pyeton pou travèse lari yo pa danjere.
Go Boston 2030
Go Boston 2030 se plan tranpò konplè pou tout Vil Boston. Plan sa anvizaje yon vil kote tout redizan yo gen chwa transpò ki pi bon epi pi ekitab.
Plan Prensipal Santye Depatman Konsèvasyon Lwazi (Department of Conservation and Recreation, DCR)
Plan sa a atikile yon vizyon pou yon rezo entèkonekte nan pasaj petyon ak bisiklèt nan tout zòn metro Boston ki bay rezidan tout laj ak kelkeswa kapasite aksè nan destinasyon lwazi ak mwayen transpò ki bon pou byenèt.